ANG SAKSI
sa komiks na Bugoy ni Mang Nilo
sa dyaryong P.M. mababasa mo
ang usapan ng dalawang pulis
hinggil sa paglutang daw ng witness
tanong: nahan ang witness sa krimen
sabi mo, lumutang na ang witness
sagot: patay na pong natagpuan
doon sa ilog palutang-lutang
nabiktima ng 'salvage' ang saksi
biktima ng sinumang salbahe
komiks iyon na dapat patawa
nabanggit ay kawalang hustisya
ang pinaslang na saksi sa krimen
na sa korte marahil aamin
ngunit saksi'y inunahang sadya
ng mga salbaheng gumagala
akala mo'y tatawa ka sa joke?
binunyag pala'y gawaing bugok
may malagim na katotohanang
ang hinihiyaw ay katarungan
- gregoriovbituinjr.
09.21.2024
* komiks mula sa pahayagang Pang-Masa, Setyembre 20, 2024, pahina 7
Walang komento:
Mag-post ng isang Komento