NAMILI SA PALENGKE
kaunti lang ang pinamili
ko sa kalapit na palengke
kahit gaano pa ka-busy
ay namalengke ang makatâ
payak lang ang inihahandâ
mas mahalaga'y ang pagkathâ
kaya meron nang ilulutò
nariya'y santumpok na tuyô
sibuyas, kamatis, nagtahô
sa daan, sa init kumanlong
tatlong taling okra, may talong
na santumpok, at sampung itlog
pakiramdam ko'y anong saya
at mamaya'y magluluto na
matapos maligo't maglaba
- gregoriovbituinjr.
10.25.2025
Walang komento:
Mag-post ng isang Komento