Sa estatwa ni Balagtas

SA ESTATWA NI BALAGTAS

sa estatwa ng makatang Kiko

Balagtas ay minsang napadako

saya'y naramdaman ko sa puso

laksa man yaring dusa't siphayo

anong layo ng pinanggalingan

mabuti't doon ay napadaan

pagkakataon na'y di sinayang

kaya kami'y agad nagkodakan

may-akda ng Florante at Laura,

walang kamatayang niyang obra

awtor ng Orozman at Zafira,

La India Elegante't iba pa

pagkakataong di pinalampas

nang magawi sa bayang Balagtas

tila rebulto niya'y nagbasbas

nang luha sa pisngi ko'y naglandas

- gregoriovbituinjr.

12.12.2022